Zığ şosesində baş verən ağır yol qəzası ilə bağlı polis əməkdaşları hadisə yerinə cəlb olunub.

Bunu Trend-ə açıqlamasında Bakı şəhər Dövlət Yol Polisi İdarəsinin baş inspektoru polis mayoru Araz Əsgərli deyib.

O bildirib ki, ilkin məlumata görə hadisə nəticəsində bir neçə nəfər xəsarət alıb.

"Onlara təcili tibbi yardım göstərilib, yolda hərəkət bərpa olunub. Hazırda ərazi aidiyyatı üzrə araşdırma aparılır",-A. Əsgərli deyib.

XXX
Saat 12.14

Bakıda ağır yol qəzası baş verib.

Bu barədə Trend-ə Daxili İşlər Nazirliyinin Nəqliyyatın İntellektual İdarəetmə Mərkəzindən məlumat verilib.

Məlumatda bildirilir ki, hadisə Zığ şosesində baş verib. Bir neçə avtomobil toqquşub.

Hadisə yerinə təcili tibbi yardım briqadaları cəlb edilib.