Rusiyanın iyulun 17-dən tez “Taxıl sazişi”ndən çıxması ehtimalı azdır.

APA-nın Moskva müxbiri xəbər verir ki, bu barədə jurnalistlərə açıqlamasında Rusiya Federasiyası Prezidentinin beynəlxalq məsələlər üzrə köməkçisi Yuri Uşakov bildirib.

O, Rusiyanın iyulun 17-dən əvvəl Qara dəniz təşəbbüsündən çıxmasının mümkün olub-olmaması ilə bağlı sualına "əvvəl, yəqin ki, yox" deyə cavab verib.

Qeyd edək ki, rəsmi Moskva Qərbi "Taxıl sazişi" ilə bağlı razılaşmaları yerinə yetirməməkdə ittiham edib. Rusiya Prezidenti Vladimir Putin Moskvanın taxıl sazişindən çıxmağı düşündüyünü açıqlayıb.