ABŞ prezidenti D.Trampla V. Putin arasında Ukrayna danışıqları baş tutmadı. Rusiya prezidenti D. Trampın V. Zelenski ilə görüş təklifini qəbul etmədi. Hətta Rusiya yenidən
V. Zelenskini legitimliyinin olmadığını qeyd etdi. Bununla da V. Putin və V. Zelenski arasında görüş mümkün görünmür. D. Tramp Ukraynanın müdafiədə deyil, hücumla qalib olacağını vurğuladı.

Bunu "Xalq Cəbhəsi"nə politoloq Məhəmməd Əsədullazadə deyib.

O, qeyd edib ki, artıq D. Tramp V. Putinin onu manipulyasiya etdiyinin şahidi oldu. Artıq Rusiya ilə danışıqlar mümkün görünmür. Sentyabrda Konqres işə başlayandan sonra, Rusiya yeni sanksiyalar tətbiq edilə bilər. Həmçinin Ukraynaya hücum silahlarının verilməsi istisna deyil:

"Alyaska görüşü və ondan sonraki Avropa liderləri ilə baş tutan görüş Ukrayna müharibəsində diplomatik danışıqların faydasız olduğunu biruzə verdi. Rusiya yalnız öz maraqları kontekstdə məsələlərə yanaşaraq Ukraynanın maraqlarını nəzərə almayacağını mesajını verdi. Moskvada Qərbin sülhməramlı qüvvələrinin də Ukraynaya yerləşdirilməsinin əleyhinədir.
D.Tramp və Avropa ölkələri Ukraynaya yeni hücum silahları ilə cəbhədə Rusiyaya ciddi zərbələr endirməsi gözlənilir".
Cavid