Seçkilərin nəticələri hələ tam yekunlaşmayıb. Lakin artıq aydındır ki, Demokratlar Partiyası ABŞ Konqresinin hər iki palatasında çoxluq qazanıb.

Belə nəticələr, gözlənildiyi kimi, bizim bekar kütlə arasında məmnuniyyət dalğası yaratdı. Bax, görün, Trampın idarəçiliyi hara gətirib çıxardı!

Yaxşı, bəs nə dəyişəcək? Pullar ABŞ-dan Ukraynaya əvvəlki kimi, onları mənimsəyənlərin sevincinə səbəb olacaq şəkildə axacaq? Xeyr!
Xalqcebhesi.az xəbər verir ki, bunu Ukrayna Radasının sabiq deputatı Artur Bilous deyib.

"Büdcə prosesindən başı çıxan hər kəs bilir ki, büdcə layihəsini və ona edilən düzəlişləri hökumət hazırlayır. Parlament isə hökumətin sənədini ya təsdiq edə bilər, ya da rədd edə bilər.

Trampa impiçment elan edəcəklər? Çətin ki. Senatda bunun üçün 2/3 səs toplaya bilməyəcəklər. Onun ilk prezidentlik dövründə artıq belə bir presedent olmuşdu.

Hər şey müxtəlif Konqres istintaq komissiyalarının yaradılması və mediada səs-küy salınması ilə məhdudlaşacaq – ondan artıq deyil" - o, deyib.

Bilous deyib ki, ümumiyyətlə, Ağ Ev və Kapitoliyə fərqli partiyaların nümayəndələrinin nəzarət etməsi vəziyyəti Amerika demokratiyası üçün xarakterikdir:

"İndi bizdə böyük hörmətlə anılan həmin o Reyqan da analoji vəziyyətlərlə üzləşmişdi. Lakin bu, onun növbəti dəfə prezident seçkilərində qalib gəlməsinə mane olmadı.

Beləliklə, 2028-ci il prezident seçkilərində respublikaçı namizəd üçün bu cür vəziyyət lap yerinə düşə bilər. Çünki siyasi dalğaların rəngləri çox tez dəyişir".

Cavid