“Havaların qeyri-stabil keçməsi yay istirahətini gecikdirir. İnsanların dənizkənarı istirahət etməsinə meyli azalıb. Təbii ki, hava şəraitindən çox şey asılıdır”.

Bunu xalqcebhesi.az-a açıqlamasında turizm eksperti Əziz Şiriyev deyib.

Ekspert qeyd edib ki, havanın günəşli olması dəniz kənarında olan çimərlik ərazilərini çalışdıranların işlərini daha da yaxşı vəziyyətə gətirir, insanlar daha xoş istirahət edirlər: “Amma yağışlı və küləkli hava şəraiti insanları həmin istiqamətlərdə istirahət etməyə getmək fikirlərindən daşındırır, daha çox qapalı mühitlərə üstünlük verirlər. Bəziləri istirahətlərini təxirə salır, bəziləri isə xaricə səfərlər edirlər. O səbəbdən də bu gün istər Türkiyə, Misir istiqamətində, istər digər ölkələrdə, istərsə də Azərbaycanımızın Bakı ətrafı çimərliklərində vəziyyət heç də ürək açan deyil. Düşünürəm ki, inşallah iyun ayının 20-dən etibarən hava şəraiti daha yaxşı olar. İnsanlar iyul və avqust aylarını daha yaxşı, faydalı şəkildə keçirərlər”.

Röya İsrafilova