İqtisadiyyat naziri Mikayıl Cabbarov Səudiyyə Ərəbistanına səfəri çərçivəsində bu ölkənin energetika naziri, şahzadə Əbdüləziz bin Salman əs-Səudla görüşüb.

Xalqcebhesi.az xəbər verir ki, bu barədə M.Cabbarov X sosial şəbəkəsində yazıb.

Nazir bildirib ki, görüş zamanı iki ölkənin "yaşıl" enerji gündəliyinin prioritet istiqamətləri, bu sahədə birgə fəaliyyətin uğurlu nəticələri və ölkələrimiz üçün faydaları barədə söhbət aparılıb. Görüşdə enerji keçidində potensial layihələr üzrə əməkdaşlığın genişləndirilməsi imkanları müzakirə edilib.