Şərqi Azərbaycan Vilayətinin Rifah Departamentinin işçiləri aylıq əmək haqqının aşağı olmasına etiraz olaraq Rifah Departamentinin binası qarşısında etiraz mitinqi keçirib və hakimiyyət orqanlarının və hökumətin diqqətini cəlb etməyə çalışıblar.

Gunaz.tv

26 oktobr 2025-cü il bazar günü səhər Şərqi Azərbaycan Vilayətinin Rifah Departamentinin bir qrup işçisi işini dayandırıb və əmək haqqı ödənişlərində ayrı-seçkiliyə və mövcud inflyasiya ilə müqayisədə aylıq əmək haqqının aşağı olmasına etiraz olaraq eyləm keçiriblər.

Daha əvvəl Şərqi Azərbaycan Vilayətinin səhiyyə şəbəkəsi işçiləri mövcud iş şəraitindən və əmək haqqının artırılmamasına olan narazılıqlarına görə Təbriz Tibb Elmləri Universitetinin qarşısında etiraz mitinqi keçirib və hökumətdən və Səhiyyə Nazirliyindən onların qanuni tələblərini yerinə yetirmələrini tələb edən plakatlar nümayiş etdiriblər.