Fevralın 21-i yerli vaxtla səhər saat 10:00 radələrində İran ordusuna məxsus F-5 qırıcı təyyarəsi Təbriz beynəlxalq hava limanı yaxınlığında qəzaya uğrayıb.

Hərbi təyyarə İran ordusunun ikinci hərbi hava bazasından havaya qalxıb və Təbrizin İnqilab küçəsində, orta məktəbin yaxınlığında qəzaya uğrayıb.

Təbrizin Qızıl Aypara Cəmiyyətinin verdiyi məlumata görə, qırıcının pilotu, pilot köməkçisi və təyyarənin düşmə zamanı toqquşduğu minik avtomobilinin sürücüsü ölüb.

Qəzanın səbəbləri və qəza yerində mümkün əlavə insan və maddi itkilərlə bağlı əlavə məlumat verilmir.

Gunaz.tv