İran Məclisinin (parlamentinin) fəaliyyətdə olan deputatı, keçmiş xarici işlər naziri (2005–2010-cu illər) Manuçöhr Məttaki Avropanı Tehrana qarşı müharibədə iştirak etməkdən çəkindirib.

Xalqcebhesi.az xəbər verir ki, deputat İngiltərə, Almaniya, İtaliya və Portuqaliya kimi Qərb ölkələrini öz hərbi bazalarını İran xalqına qarşı hərbi əməliyyatlar keçirən Amerika qırıclarına təqdim etmekdə ittiham edib.

"Əlbəttə, bu günlərdə müzakirə olunan regionun hüdudlarından kənara çıxmaq istəsək, regiondan kənarda olan həmin yerlər bizə qarşı istifadə edilən ərazilərdir. Hazırda bu anlayışın aid edildiyi və tətbiq oluna biləcəyi coğrafi zona Avropadır", - deyə Məttaki bildirib. Onun sözlərini IRIB teleradioyayımlama korporasiyası sitat gətirib.

O, ABŞ-yə kömək edən ölkələrdən İran xalqından üzr istəməyi tələb edib və Tehranın raketlərinin Avropaya da çata biləcəyini qeyd edib.

Məryəm Quliyeva