"Heç kim "Türkiyə İŞİD-i dəstəkləyir" iddiasını sübut edə bilməz"
"Heç kim Türkiyənin "İslam Dövləti"nə kömək etdiyinə dair iddiaları sübut edə bilməz". "Anadolu" agentliyinin xəbərinə görə, bunu Türkiyənin baş naziri Əhməd Davudoğlu bəyan edib.
O deyib: "CHP sədri Kemal Kılıçdaroğlunu anlamaq, həqiqətən, mümkün deyil. Dünən verdiyi açıqlamada bir tərəfdən xalqı sükunətə dəvət edir, digər tərəfdən hökumətimizi İŞİD-ə yardım etməkdə açıqca günahlandırır. Onun bu açıqlaması məsuliyyətsizlikdir. "Türkiyə İŞİD-i dəstəkləyir" iddiası ilə ölkəmizə açıq şəkildə tələ qururlar. Kılıçdaroğlunun da bunu təkrar etməsi xəyanətdir. Heç kim bu iddianı sübut edə bilməz."