İntiharla bağlı xəbərlərin yayılması bu hadisələrin sayının artmasına səbəb olur. Trend-in məlumatına görə, bunu bu gün Mətbuat Şurasında keçirilən mətbuat konfransında Şura sədri Əflatun Amaşov deyib.

"Bütün dünyada intiharlar olur. Ən çox intiharlar Skandinaviya ölkələrində baş versə də bu ölkələrin mətbuatında bu cür xəbərlər az yayılır.

Bir sıra sayt, qəzet və televiziyalar, eləcə də sosial şəbəkələrdə intiharla bağlı xəbərlərin sayı artır.

Hadisə xəbərlərində insanlar qəhrəmana çevrilir. Cəmiyyətdə iradəsi zəif insanlar bu xəbərlərdən media vasitəsi ilə məlumatlanır. Problemlərinin həllinin çıxış yolunu da intiharda görür. Nəticədə intiharların sayı artır. İntiharlar bütün dünyada baş verir, lakin onların işıqlandırılmasına geniş yer verilmir", - Şura sədri deyib.