Ermənistan İstintaq Komitəsi erməni hərbçi Avaq Zakaryanın ölümü ilə bağlı "adam öldürmə" maddəsi ilə cinayət işi açıb.

Trend xəbər verir ki, bu barədə Komitənin mətbuat katibi Qor Abramyan ölkənin yerli KİV-lərinə məlumat verib.

Onun sözlərinə görə, hazırda ilkin istintaq çərçivəsində operativ tədbirlər görülür. Hadisə ilə bağlı təfərrüatın daha sonra açıqlanacağını deyən İstintaq Komitəsinin nümayəndəsi, cinayət işi üzrə saxlanılanların olub-olmadığına aydınlıq gətirməyib.

Qeyd edək ki, fevralın 24-də Ermənistanda hərbi hissələrin birində Avaq Zakaryan adlı hərbçi qeyri-müəyyən şəraitdə həlak olub. İlkin məlumatlara görə, hərbçinin odlu silahdan açılan atəş nəticəsində öldüyü bildirilib.