Milli Televiziya və Radio Şurasına 2021-ci ildə illik plana əsasən dövlət büdcəsindən 1,659 milyon manat vəsait ayrılıb. 2021-ci il ərzində büdcədən maliyyələşdirilmiş 1,480 milyon manat vəsait təyinatı üzrə istifadə olunub.

Trend-in məlumatına görə, bu barədə şuranın maliyyə hesabatında deyilir.

Dövlət büdcəsindən maliyyələşmiş vəsaitdən 179 min manat vəsait büdcəyə qaytarılıb.

Maliyyə və texniki nəzarət şöbəsi tərəfindən Dövlət büdcəsindən ayrılmış vəsaitə uyğun ştat cədvəli tərtib edilərək Maliyyə Nazirliyinə təqdim olunub. Müvafiq olaraq hər ayın əvvəlində tələbata və verilmiş limitə uyğun xərc maddələri üzrə Maliyyə Nazirliyinə sifariş, xəzinələrarası köçürmə sərəncamı, məxaric cədvəlləri təqdim olunmuş və nazirliklə razılaşdırıldıqdan sonra açılmış kreditdən istifadə olunub.