"Ermənistanın Azərbaycanla şərti sərhəddə hərbi təxribatalara getməsi gözlənilən idi". Xalqcəbhəsi.az xəbər verir ki, bunu politoloq Məhəmməd Əsədullazadə deyib. M.Əsədullazadə bildirib ki, Ermənistan Hindistan və Fransadan artilleriya vasitələrini tədarük etməsi, həmçinin İrandan verilən PUA -lar vasitəsilə Azərbaycana qarşı sərhəddə strateji yüksəklikləri ələ keçirib, danışıqlarda mövqelərini gücləndirməyi planlayır: "Bununla da Qarabağla bağlı "statusu" növbəti dəfə danışıqlar masasına gətirsin.
Ermənistan artilleriya vasitələrindən istifadə edərək, bu kimi hərbi təxribatlarını davam etdirəcək. Ermənistan bununla "Brüssel" və "Vaşinqton" formatında maraqlı olmadığını ortaya qoydu. Ermənistanla ilin axırına kimi danışıqlarda hərhansı bir müsbət irəlləyiş gözlənilmir.
Ermənistanla sülh müqaviləsi Azərbaycan Qarabağdan silahlı erməni birləşmələrini tam çıxaradan və Xankəndində nəzarəti bərpa etdikdən sonra mümkün ola bilər".