Ermənistan Baş naziri Nikol Paşinyan və prezident Vaaqn Xaçaturyan Azərbaycanla sülh müqaviləsinin bağlanmasından danışıblar. Hətta Baş nazir N.Paşinyan bu ilin axırına kimi sülh müqaviləsinin bağlana bilməsindən danışıb. Amma, Ermənistan rəhbərliyinin sülh təkilfində Qarabağ məsələsi ilə bağlı şərtləri mümkün sülh müqaviləsinin bağlanmasının üstündən xətt çəkir.

Bunu "Xalq Cəbhəsi"nə politoloq Məhəmməd Əsədullazadə deyib.

Politoloq bildirib ki, məhz prezident V.Xaçaturyan Qarabağ məsələsi ilə bağlı fikir ayrılıqlarnın olduğunu vurğulayır:

"Göründüyü kimi Ermənistan rəhbərliyi Qarabağın Azərbaycanın tərkib hissəsi kimi qəbul etsə də bunu sülh müqaviləsinin bağlanması bəndinədə yer almasında maraqlı deyil. Bu, N.Paşinyanın Azərbayacana qarşı ərazi iddiasının əsasını təşkil edir.

Qərbin Cənubi Qafqazda qəbul etdiyi "demokrat" imicli N.Paşinyanın ərazi iddiaları, Qarabağı gündəliyə gətirməsi onun liberal və demokrat siyasətçi olmadığını, tipik erməni daşnakı olaraq Azərbayacana pataloji nifrətin təzahürüdür".

Politoloq qeyd edib ki, Azərbaycan çox qısa vaxtda Xankəndində de-yure nəzarəti bərpa edəək. N.Paşinyanın izqoy siyasətçi olduğu, yaranmış sülh fürsətindən istifadə etməyərək, Qərbin bəzi mərkəzlərinin təlimatı ilə hərəkət etməsi, onun da M. Saaakaşvili kimi siyasi iflsasa uğrayacağı mümkündür:

"Prezident İlham Əliyev Cənubi Qafqazda ən uğurlu siyasi lider olaraq regionda siyasi nizam yaradaraq, Qərbin nə də Rusiyanın təlimatı ilə hərəkət etməyərək, Azərbaycanın ərazilərini işğaldan azad etdi. Azərbaycanı nə Rusiyaya meyillənən Gürcüstana bənzətmədi, nə də ora-bura vurxunan Ermənistana".

Cavid