Azərbaycan hazırda Asiyada Qarşılıqlı Fəaliyyət və Etimad Tədbirləri üzrə Müşavirəyə sədrlik edir və 2026-cı ildə AQEM-nın VII Zirvə toplantısına ev sahibliyi edəcək.

Bunu ÇİN XİN-in Avropa-Mərkəzi Asiya İşləri Departamentinin əməkdaşı, səfir Yan Venbin AQEM-in Beyin Mərkəzləri Forumunun 13-cü sessiyasında bildirib.
Onun sözlərinə görə, Çin Azərbaycanın sədrliyini dəstəkləmək üçün bütün tərəflərlə çalışacaq və AQEM çərçivəsində müxtəlif sahələr üzrə etimadın möhkəmləndirilməsi tədbirlərinin həyata keçirilməsinə, eləcə də AQEM-nın Sammitinin səmərəli keçirilməsinə fəal töhfə verəcək.