“Dünən Milli Məclisdə sosial şəbəkə haqqında yeni qanun layihəsinin hazırlanması, azad edilmiş torpaqlarımzdakı adsız yüksəkliklərə bunda böyük rol oynamış hərbi birləşmələrin, yaxud da qəhrəmanlıqları dillər əzbəri olan bir çox hərbçilərimiz var ki, onların adlarının verilməsi təşəbbüsüylə çıxış etdim. Düşməndən təmizlənmiş ən uca yüksəklik isə Murov dağı silsiləsindədir ki, fikrimcə, ona da bu qələbəmizdə müstəsna xidməti olan Müzəffər Ali Baş Komandanımızın adı verilməlidir”. Xalqcəbhəsi.az xəbər verir ki, bu fikirləri millət vəkili Sahib Alıyev səsləndirib: “Maraqlıdır ki, mənim hər iki təklifim Xankəndinə Azərbaycanın izni olmadan yük və yanacaq dolu maşın karvanı göndərən ölkənin bəlli çevrələrinə bağlı troll dəstəsinin heç xoşuna gəlməyib. Ağaları sosial şəbəkə haqqında yeni qanununla onların burada məzhəb qarşıdurması yaratmaq yönündə və digər təxribatlarının qarşısının əhəmiyyətli dərəcədə alınacağını yaxşı bildiklərindən trollarını hərəkətə keçiriblər.
Əziz dostlar, həmən çıxışı burada paylaşıram, maraqlananlar baxa bilərlər!”.