Xameneyinin nümayəndəsindən müəllimlərlə bağlı mürtəce təklif Güney Azərbaycan

Xameneyinin nümayəndəsindən müəllimlərlə bağlı mürtəce təklif

İranda 2022-ci ilin sentyabr ayından başlayan etiraz aksiyalarından sonra narazı və rejimin siyasi-ideoloji kursuna uyğun olmayan müəllimlərin işdən çıxarılması ilə bağlı təkliflər çoxalıb.

Gunaz.tv

Bu qəbildən olan tələblərdən biri İranın rəhbəri Əli Xameneyinin Qəzvin əyalətindəki nümayəndəsi Əbdülkərim Abidini tərəfindən səsləndirilib.

"Bir sıra müəllimlər şagird və tələbələrin ürəyində şübhə toxumu səpib.

"Təhsil Nazirliyi yetərli həssaslıq göstərmədiyi üçün bir sıra müəllimlər tələbə və şagirdlərdə sistemə qarşı şübhə yaratmağa çalışırlar.

Bunlar alçaq adamlardırlar və onların təhsil sistemi və universitetlərdən uzaqlaşdırılması lazımdır"- Xameneyinin nümayəndəsi belə deyib.

Qeyd edək ki, İranda 2022-ci ilin sentyabrından başlayan etiraz aksiyalarında həbs edilən 18 min nəfərdən təxminən 800 tələbədir.

Bununla yaaşı yüzlərlə müəllim və tələbə təhsildən uzaqlaşdırılıb, onlarla universitet müəllimi həbs edilib.