2024-ci il fevralın 5-6-də İran təhlükəsizlik qüvvələri tərəfindən saxlanılan Araz Aman, Mürtəza Pərvin, Tahir Nəqəvi, Bağir Hacızadə, Əbdüləziz Əzimi Qədim, Ayaz Seyfxah və Kərəm Mərdanə həbslərinin 15-ci ayına keçirlər.

Gunaz.tv

Məlumatlara görə, Araz Aman 23 Mart 2025-cü ildən Azərbaycan xalqını Novruz bayramı münasibətilə təbrik etdiyi və mübarizənin davam etdirilməsini vurğuladığı üçün ailəsinə zəng etmək hüququndan məhrum edilib.

Ayaz Seyfxah və Əbdüləziz Əzimi Qədim isə 2025-cü il martın 2-dən fəallara qarşı irəli sürülən yalan ittihamlara etiraz olaraq aclıq aksiyası keçirirlər.

Qeyd edək ki, Evin həbsxanasında saxlanılan fəallar arasında Vədud Əsədi, Aydın Məhəmmədi, Abdullah Vahidi və Salar Tahir Əfşar da var.

Hüquqi proseslərə baxmayaraq, Tehran Əyalətinin Apellyasiya Məhkəməsinin 36-cı şöbəsi hakim Sələvatinin çıxardığı hökmləri tam şəkildə təsdiqləyib və indiyədək fəallardan heç biri zaminə və müvəqqəti azadlığa çıxmaq hüququndan istifadə edə bilməyib.