İngiltərənin “Mançester Siti” komandası 4 futbolçu ilə yollarını ayıracaq.

Xalqcebhesi.az xarici mətbuata istinadən xəbər verir ki, “şəhərlilər”in ispaniyalı baş məşqçisi Xosep Qvardiola son oyunlarda qeydə alınan uğursuz nəticələr fonunda hücumçu Cek Qriliş, yarımmüdafiəçilər Mateus Nunyes və Ceyms Makeyti, həmçinin sağ cinah müdafiəçisi Kayl Uokeri sərəncamında görmək istəmir. Mütəxəssis rəhbərlikdən adıçəkilən oyunçuların satılmasını istəyib.

Qeyd edək ki, İngiltərə Premyer Liqasında 14 oyundan sonra 26 xal toplayan “Mançester Siti” 4-cü pillədə qərarlaşıb.