Bu gün mən Ukraynanın daxili işlər nazirinə və diplomatlarımıza Kaliforniyadakı meşə yanğınları ilə mübarizədə xilasedicilərimizin mümkün iştirakına hazırlaşmağı tapşırdım. Orada vəziyyət son dərəcə ağırdır və ukraynalılar amerikalıların həyatını xilas etməyə kömək edə bilər.

Xalqcebhesi.az xəbər verir ki, bu sözləri Ukrayna Prezidenti Vladimir Zelenski sosial şəbəkə hesabında bildirib.

“Hazırda bununla bağlı razılaşdırma aparılır və biz müvafiq kanallar vasitəsilə Amerika tərəfinə öz köməyimizi təklif etmişik. 150 yanğınsöndürənimiz artıq hazırdır”, - Zelenski vurğulayıb.

Qeyd edək ki, 7 yanvarda Los-Ancelesdə başlayan meşə yanğınları yaşayış evlərinə keçib, nəticədə minlərlə ev yanıb. Yanğın hələ də nəzarət altına alınmayıb.