NATO Baş katibi Mark Rutte, Ukrayna Prezidenti Volodimir Zelenski ilə görüşündə, Ukrayna ilə NATO arasında “körpünün yenidən qurulduğunu” deyib.

Xalqcebhesi.az xəbər verir ki, bu barədə Yevropeyskaya Pravda xəbər verir.

Ruttenin sözlərinə görə, bu "körpü", NATO-nun əvvəlki – Vaşinqton sammitində qəbul etdiyi qərara uyğun olaraq yenidən qurulur. O, bildirib ki, müttəfiqlər Ukraynaya dair əvvəlki qərarların hələ də qüvvədə olduğunu düşünürlər.

Rutte əlavə edib ki, Haaqa şəhərində keçiriləcək sammitdə Ukrayna ilə bağlı “vacib bir qeyd” yer alacaq və bu, ölkənin NATO-ya doğru “geri dönüşü olmayan yol”da olduğunu bir daha təsdiq edəcək. Lakin o, bu qeyd və ya qərarın konkret məzmunu barədə açıqlama verməyib.

“Biz Ukrayna ilə NATO arasında körpünü, Vaşinqton qərarında deyildiyi kimi, yenidən qururuq,” – deyə Rutte bildirib.

Daha əvvəl Mark Rutte bəyan etmişdi ki, qarşıdakı NATO sammiti Ukraynanın gələcək üzvlüyünün geri dönməzliyi prinsipinə heç bir təsir göstərməyəcək. O, müttəfiqlərlə razılaşmaya əsasən, bu prinsipin Haaqa sammitindən sonra da qüvvədə qalacağını vurğulayıb.

Məryəm Quliyeva