Rusiya hərbi müxbirlərinin məlumatına görə, ötən gecə Rusiya ordusu Ukraynanın bir neçə bölgəsində hərbi infrastruktura zərbələr endirib.

Xalqcebhesi.az xəbər verir ki, bu barədə “Z əməliyyatı: Rus Baharı hərbi müxbirləri” adlı Telegram kanalında məlumat verilib.

Məlumata əsasən, Odessa və onun ətrafında Ukrayna Silahlı Qüvvələrinə məxsus obyektlər, o cümlədən liman zonası və sahilboyu hədəflər vurulub.

Kiyevdə isə azı on Rusiya PUA-sı raket silah anbarına, pilotsuz uçuş aparatlarının istehsalı ilə bağlı müəssisələrə və hərbi komissarlığın binasına zərbələr endirib.

Bundan əlavə, hərbi müxbirlərin sözlərinə görə, Xarkov vilayətində, o cümlədən İzyum şəhərində də Ukrayna Silahlı Qüvvələrinin anbar və digər obyektləri hədəf alınıb.

Məryəm Quliyeva