Bir qrup amerikalı demokrat senator, Ed Marki başda olmaqla, Vaşinqtonu nüvə silahlanma yarışını dayandırmağa çağırıblar.

Xalqcebhesi.az xəbər verir ki, bu barədə RİA Novosti məlumat yayıb.

Onlar ABŞ hökumətinə qlobal səylərə rəhbərlik etməyi və yeni nüvə silahlanma yarışını dayandırmağı təklif ediblər. "Nüvə müharibəsini qazanmaq mümkün deyil və o, heç vaxt başladılmamalıdır", - deyə sənəddə bildirilir.

Senatorların məlumatına görə, soyuq müharibənin sona çatmasından sonra 50 mindən çox nüvə başlığının azaldılmasına baxmayaraq, dünyada hələ də təxminən 12 min nüvə başlığı mövcuddur. Bunun 95 faizi isə ABŞ və Rusiyanın arsenallarındadır, - deyə senatorlar xatırladıblar.

Sənədin müəllifləri, bunun "insanlığın mövcudluğuna yolverilməz bir təhdid" yaratdığını qeyd edirlər.

Məryəm Quliyeva