ABŞ-ın DDG Fitzgerald esminesi İranın nəzarətində olan Oman körfəzinə yaxınlaşıb.

Xalqcebhesi.az xəbər verir ki, bu barədə IRIB dövlət yayımı məlumat yayıb.
Yayımcının məlumatına görə, gəmi iyulun 23-də səhər saatlarında sulara yaxınlaşıb, bundan sonra İran ordusu helikopteri qaldıraraq amerikalılardan kursu dəyişməyi istəyib. Esminerin ekipajı iki dəfə təyyarəni vurmaqla hədələyib. Buna cavab olaraq İran hava hücumundan müdafiə sistemini işə salıb və kursun dəyişdirilməsi tələbini təkrarlayıb. Bu dəfə gəmi buna əməl edib.
İyulun 22-də ABŞ prezidenti Donald Tramp zərurət yaranarsa, Vaşinqtonun İranın nüvə infrastrukturuna yenidən zərbə endirəcəyini bildirib.

Məryəm Quliyeva