Bazar ertəsi ölkə üzrə bərpa olunan yuxarı sinif şagirdlərinin etiraz aksiyaları məhdud xarakter daşıyır və yalnız bir neçə liseyə (orta məktəblərə) təsir edir.

Xalqcebhesi.az xəbər verir ki, bu barədə "France Inter" radiostansiyasının efirində Fransanın təhsil naziri Eduar Jeffre bəyan edib.

"Hazırkı mərhələdə və böyük ehtiyatla demək olar ki, bu səhər bloklamalar yalnız bir neçə liseyə təsir göstərib, - deyə o bildirib. — Hələlik söhbət tək-tük hallardan gedir: bir neçə durum paytaxtın İl-de-Frans regionunda, bir neçəsi Nor departamentində, bir-ikisi isə Tuluzadadır".

Nazir xəbərdarlıq edib ki, uzanan etirazlar və liseylərin bloklanması səbəbindən minlərlə şagird üçün tədris ili təhlükə altına düşüb. Bununla əlaqədar olaraq, o, etirazçıları sinif yoldaşlarının dərslərdə iştirak etməsinə mane olmamağa çağırıb. Jeffre həmçinin bəyan edib ki, "sistemi 48 saat ərzində islahat etmək mümkün deyil" və söz verib ki, müvafiq qurumlardakı müşavirələrin yekunları üzrə rəsmi sənədlər artıq 2027-ci ilin yanvarına qədər ortaya çıxa bilər.

Məryəm Quliyeva