Yunan yanğınsöndürənləri Afinanın Varibobi şəhərətrafı qəsəbəsində güclü meşə yanğınlarının baş verdiyi ərazidən 300-dən çox vətəndaşı xilas edib.

Bu barədə brifinqdə vətəndaşların müdafiəsi işləri üzrə nazirinin müavini Nikos Hardalias bildirib.

Onun sözlərinə görə, bütün gecə işləyəcək yanğınsöndürənlər üç əsas sahədə - Afinanın şimalındakı Varibobi, Adames və Frakomakedones yaşayış məntəqələri yaxınlığında yanğını söndürür.

Daha əvvəl bu üç yaşayış məntəqəsinin sakinləri, eləcə də Olympiako-Horio kənd sakinləri təxliyə edilib.