Sakit Okean üzərindən Meksika sahillərinə doğru hərəkət edən "Pamela" tropik fırtınası yaxın saatlarda qasırğaya çevrilə bilər.

Bu proqnoz ölkənin meteoroloji xidməti tərəfindən açıqlanıb.
"Fırtınanın yaxın saatlarda Saffir-Simpson miqyasında 1-ci kateqoriyalı qasırğaya çeviriləcəyi ehtimal edilir. 2,5 m/s sürətlə şimal-qərb istiqamətində hərəkət edən qasırğa hazırda Jalisko ştatının sahillərindən 440 km aralıdadır”, məlumatda bildirilib.

Qeyd edilib ki, küləyin sürəti 30,5-36 m/s-yə çatır.

Mütəxəssislər "Pamela" nın sahilə endirəcəyi güclü yağışların daşqınlara və sürüşmələrə səbəb ola biləcəyini düşünür.

Hökumət potensial həssas bölgələrin sakinlərinə xüsusilə diqqətli olmağa çağırış edib.

Hazırda 3-cü kateqoriyalı qasırğa gücündə hərəkət edən “Pamela” oktyabrın 13-ü səhər Sinaloa ştatına çatacağı proqnozlaşdırılır.