Qazaxıstanda iğtişaşlarla bağlı 8 minə yaxın adam saxlanılıb.

Bu barədə Qazaxıstan Daxili İşlər Nazirliyi məlumat yayıb.

"Ölkə üzrə 7939 nəfər saxlanılıb. Hüquq-mühafizə orqanları, Milli Qvardiyanın hərbçiləri və Almatıda xüsusi təyinatlılarla birlikdə 2 bazarda 207 nəfəri saxlayıb.

Saxlanılanlardan oğurlanmış 5 avtomobil, əşyalar və maddi sərvətlər, 6 ədəd soyuq silah götürülüb”, - deyə məlumatda bildirilib.