“Ali məktəblərdə qiyabi təhsillə bağlı ciddi problemlər gözləmirik”.
APA-nın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Təhsil naziri Ceyhun Bayramov bildirib.
Nazir deyib ki, ali məktəblərdə qiyabi təhsil alma formasında tələbələr daha az müddətdə ali məktəbdə olurlar: “Qiyabi təhsildə təhsilin məzmununun çatdırılması və imtahanların təşkilində ciddi problemlər gözlənilmir. Buraxılış işi hazırlanması zamanı ədəbiyyat çatışmazlığı isə gözlənilmir, kitabxanaların onlayn imkanlarından da istifadə edə bilərlər. Tələbələr ali təhsil müəssisələrinə müraciət edərkən ali məktəblər materialların onlayn formada ötürülməsini də təmin edə bilər”.