İranın ədliyyə naziri Mustafa Purməhəmmədi srağagün jurnalistlərə açıqlamasında 3 ildir ev dustaqlığında saxlanan müxalifət liderləri Mirhüseyn Musəvi və Mehdi Kərrubidən danışıb.
Mustafa Purməhəmmədi "Musəvi və Kərrubinin məhkəməsi niyə keçirilmir" sualını belə cavablandırıb: "Hökumət bu məsələni çox ölçüb-biçib və tam ayıqlıqla ölkədə yeni bir fitnənin baş qaldırılmasının qarşısını almağa çalışır. Musəvi və Kərrubi qanuna riayət edəcəklərini, ictimai asayişi pozmayacaqlarını bildirsələr, əfv edilərlər. Hökumət heç kəsə ayrıca haqq tanımır. Hesab edirik ki, etdiyi əmələ görə həbsdə saxlanan hər kəs tövbə etsə, cəmiyyətə qayıda bilər. Hökumət zorakılıq əməllərə yol verilməsini istəmir, lakin hər şeydən çox milli mənafeyə üstünlük verir".