Bosniya və Herseqovinadakı soyqırımı inkar edən və hərbi cinayətkarları müdafiə edən irqçi bir şəxsə Dünya İnsan Haqları Günündə Nobel ədəbiyyat ödülünün təqdim edilməsi insan hüquqlarını pozanların mükafatlandırılması deməkdir.
Bu sözləri Türkiyə Prezidenti Rəcəb Tayyib Ərdoğan söyləyib.
Ərdoğan 2019-cu il ədəbiyyat üzrə Nobel mükafatının yazıçı Peter Handkeyə verilməsini, Handkenin 90-cı illərdə keçmiş Yuqoslaviyada baş vermiş soyqırımla bağlı tutduğu mövqe səbəbindən kəskin şəkildə tənqid edib.
Qeyd edək ki, 2019-cu ilin ədəbiyyat, fizika, kimya, fiziologiya və tibb üzrə Nobel mükafatları bu gün Stokholmda, sülh mükafatı isə Osloda təqdim olunacaq.