“Taliban” radikal qruplaşması çərşənbə axşamı Əfqanıstanda Qurban bayramı günlərində - 31 iyuldan başlayaraq üçgünlük atəşkəs elan edib.

Anadolu agentliyinin verdiyi xəbərə görə, bu barədə “Taliban” sözçüsü Zabihullah Mujahed bildirib.

Dari və Puştu dillərində yayımlanan müraciətdə “Taliban” bütün üzvlərini bayram günlərində diqqətli olmağa çağırıb. Bildirilib ki, 3 gün ərzində qarşı tərəfin ərazilərinə müdaxiləyə icazə verilmir.