Bakı metropoliteninin Rusiyadan aldığı 10 yeni vaqondan ibarət daha iki qatar tərkibi yaxın günlərdə Bakıya gətiriləcək.

Trend-in məlumatına görə, bunu Bakı Metropoliteni Qapalı Səhmdar Cəmiyyətinin İdarə heyətinin sədr müavini Hidayət Məmmədov bu gün metronun 55 illiyi ilə bağlı sərgidən sonra jurnalistlərə açıqlamasında deyib.

O bildirib ki, yeni qatarlar yola salınıb.

"Yaxın günlərdə qatarlar Bakıya gətirilərək Nərimanov elektrik deposuna təhvil veriləcək. Yeni qatarlar saxlanma sınaq işlərindən sonra xəttə buraxılacaq. Həmçinin, hazırda ötən həftə Bakıya gətirilən iki yeni qatar tərkibi də sınaq mərhələsindədir. Mərhələ başa çatandan sonra həmin qatarlar da xəttə buraxılacaq", - dyə o əlavə edib.