"Bakı-Tbilisi-Qars dəmir yolu layihəsi Azərbaycanla səmərəli əməkdaşlıq sayəsində tamamlanıb".

APA-nın yerli bürosu xəbər verir ki, bunu "Gürcüstan Dəmir Yolları"nın baş direktoru Laşa Abaşidze jurnalistlərə açıqlamasında deyib.

O qeyd edib ki, bu gün Orta Dəhlizə yeni nəqliyyat layihəsi əlavə olunur.

"Bu olduqca vacib və strateji layihədir. Layihə həmçinin Gürcüstanın tranzit imkanlarını gücləndirəcək", - Laşa Abaşidze əlavə edib.

Xatırladaq ki, bu gün Gürcüstanın Axalkalaki dəmir yolu və logistika kompleksində regionun mühüm yükdaşıma marşrutlarından biri olan Bakı–Tbilisi–Qars dəmir yolu xəttinin modernləşdirilmədən sonra istifadəyə verilməsi ilə bağlı tədbir keçiriləcək.