Qətər Azərbaycanla ikitərəfli əlaqələrin inkişafında maraqlıdır.

Bu barədə Qətərin Azərbaycandakı fövqəladə və səlahiyyətli səfiri Feysəl bin Abdulla Əl Xinzab Qətər Dövlətinin milli bayramına həsr olunan tədbirdə çıxışı zamanı bildirib.

Onun sözlərinə görə, Qətər iki ölkə arasında ticarət dövriyyəsini və investisiya imkanlarını artırmaqla Azərbaycanla münasibətləri inkişaf etdirməyə və tərəfdaşlığı daha da gücləndirməyə sadiqdir.

"Biz qardaş Azərbaycanla ikitərəfli münasibətlərin yüksək səviyyədə olması ilə fəxr edirik. Gələn il biz əməkdaşlıq və qarşılıqlı maraqlar əsasında qurulmuş, iki ölkə arasında qarşılıqlı hörmət və etimada əsaslanan diplomatik əlaqələrin qurulmasının 30 illiyini qeyd edəcəyik", - deyə səfir bildirib.