2021-ci ilin dekabrından 2022-ci ilin fevralınadək Avstraliyada 4 milyon nəfər koronavirusa yoluxub ki, bu da rəsmi rəqəmlərdən təxminən iki dəfə çoxdur.

Bu barədə ölkənin Epidemioloji Nəzarət və İmmunizasiya üzrə Milli Tədqiqat Mərkəzinin hesabatında deyilir.

Qeyd olunub ki, təkcə fevral ayında avstraliyalıların 17 faizi COVID-19-un "omikron" ştammına yoluxub. Bundan başqa, hesabatda göstərilir ki, virusa yoluxanların real sayı bu günədək məlum deyil.
Rəsmi statistikaya əsasən, Avstraliyada bu günə qədər 7,7 milyon yoluxma qeydə alınıb, 9 268 nəfər həyatını itirib.