İsveç Ukraynaya 7,1 milyard kron (təxminən 682 milyon dollar) məbləğində hərbi və maliyyə yardımı köçürəcək.

Bu barədə ölkənin müdafiə naziri Pol Junson məlumat verib.

"Bu gün İsveç Ukraynaya ən böyük yardım paketini açıqlayıb. 15-ci paket 7,1 milyard kron təşkil edəcək və Ukraynaya hərbi yardımın ümumi dəyərini 30 milyard krona (təxminən 2,88 milyard dollar) çatdıracaq”, - o, X-ə (keçmiş Twitter) yazıb.

Reuters-in qeyd etdiyi kimi, yeni yardım hərbi texnika və onun alınması üçün vəsait şəklində gələcək. Yanvarın əvvəlində Krallığın xarici işlər naziri Tobias Billström “Xalq və müdafiə” konfransında çıxış edərək, Ukraynaya yardımın İsveçin xarici siyasət sahəsində əsas vəzifəsi olacağını bildirib.

Cavid