Polşanın Krosno hava limanında keçirilən avtomobil yarışı zamanı 27 yaşlı sürücü sükanın idarəetməsini itirərək avtomobili ilə tamaşaçıların arasında girib.

Xalqcəbhəsi.az “Demirören” Xəbər Agentliyinə istinadən qeyd edir ki, qəza nəticəsində 4-ü ağır olmaqla 18 nəfər yaralanıb.

Qəzadan sonra bölgəyə çox sayda yanğınsöndürmə briqadası, təcili yardım maşınları və təcili yardım helikopterlərinin göndərildiyi bildirilib.

Polis qəza ilə bağlı araşdırma başlandıldığını açıqlayıb.