ABŞ prezidentinin xüsusi nümayəndəsi Stiv Uitkoff və Donald Trampın kürəkəni Cared Kuşner Moskvaya səfərlərini təxirə salıblar.

Xalqcebhesi.az xəbər verir ki, bu barədə "Axios" nəşri məlumat yayıb.

Nəşrin məlumatına görə, yeni tarixlər yalnız Ukrayna və Avropa İttifaqının (Aİ) Rusiya üçün danışıqlara dair vahid təklif razılaşdırmağa hazır olması məsələsi həll olunduqdan sonra bəlli olacaq.

"Axios"un həmsöhbəti, həmçinin Uitkoff və Kuşnerin kəşfiyyat məlumatlarının mübadiləsini dayandırmaqla hədələməsi barədə xəbərləri təkzib edib. Mənbə qeyd edib ki, Mayamidə keçirilən danışıqlarda ABŞ nümayəndələri Ukraynaya Vaşinqtonun güclü tərəfdaş olaraq qaldığını xatırladıblar, bu səbəbdən Kiyevə "amerikalı istehlakçılara zərər vuracaq addımlar atmamaq" tövsiyə olunub.

Məryəm Quliyeva