Ukrayna Prezidenti Volodimir Zelenski Rusiyanın fiziki və hüquqi şəxslərinə qarşı sanksiyaların tətbiq edilməsi barədə fərmanlar imzalayıb.

Xalqcebhesi.az xəbər verir ki, sənədlər Ukrayna Prezidentinin rəsmi saytında dərc olunub.

Dərc olunmuş sənədlərə əsasən, yeni məhdudiyyətlər 108 fiziki və 48 hüquqi şəxsi əhatə edir. Onların əksəriyyəti Rusiya Federasiyasının vətəndaşları və sakinləridir.

Bununla yanaşı, yenilənmiş sanksiya siyahısına iki gəmi də daxil edilib. Sanksiyalara məruz qalan təşkilatların əsas hissəsini maliyyə, texnologiya və konsaltinq sektorlarında fəaliyyət göstərən şirkətlər təşkil edir.

Məryəm Quliyeva