Almaniyada Delta ştammına yoluxma hallarının sayı iki dəfə artıb Dünya

Almaniyada Delta ştammına yoluxma hallarının sayı iki dəfə artıb

Almaniyada son bir həftə ərzində koronavirusun "Delta" adlandırılan ştammına yoluxanların sayı ən azı iki dəfə artıb.

Trend-in "İnterfaks"a istinadən verdiyi məlumata görə bu barədə Robert Kox İnistitutundan xəbər verilib.

İnistitutdan bildirilib: "Delta ştammına yoluxmalar (yeni infeksiyalar arasında - red.) artmağa davam edir, bir həftə ərzində təxminən iki dəfə artıb".

Məlumatda deyilir ki, iyunun 18-də "Delta" ştammının payına yoluxma hallarının 6 faizi düşürdüsə, indi bu rəqəm təxminən 15 faizə qədər artıb.

Qeyd edək ki, Almaniyada koronavirus pandemiyası zamanı 3,7 milyon yoluxma halı qeydə alınıb, koronavirusa yoluxanlardan 91 mindən çoxu ölüb, 3,6 milyonu sağalıb.