2026-cı ilin sentyabr ayının əvvəllərində Yaxın Şərqdə davam edən geosiyasi böhran keyfiyyətcə yeni bir miqyas aldı. ABŞ, İsrail və İran arasındakı hərbi qarşıdurma fonunda Tehran strateji cəhətdən əlverişli mövqedə yerləşən və "Müqavimət Oxu" daxilindəki ən aqressiv proksi qüvvə olan husiləri ("Ənsar Allah") tam səfərbər etdi.

Xalqcebhesi.az xəbər verir ki, bunu Yaxın Şərq üzrə ekspert Vasili Papava deyib.

"Yəməndəki Husi qruplaşmasının fəaliyyətinin nəzərəçarpacaq dərəcədə güclənməsi təsadüfi deyil: Tehranın məqsədi bu strateji dəniz bölgəsində daimi təhlükə zonası və effektiv təsir rıçaqı yaratmaqdır. Bab əl-Məndəb boğazı yaxınlığında mövqelərini möhkəmləndirməklə İran ikinci bir geosiyasi cəbhə açmağa və bununla da — Hörmüz boğazını iflic etmək potensialına əlavə olaraq — qlobal enerji təchizatı və dəniz ticarətinə ikili strateji təzyiq göstərməyə çalışır" - o, vurğulayıb.

Papava deyib ki, məhz İranın hərbi-texniki dəstəyi və Tehranın ABŞ ilə müttəfiqlərinin mövqelərini zəiflətmək, həmçinin Səudiyyə Ərəbistanı üzərində əlavə təzyiq rıçaqları əldə etmək marağı Yəməndə yeni genişmiqyaslı hərbi əməliyyatlar dalğasının əsas təkanverici qüvvəsi oldu.

Cavid