Sakit okeanda, Kamçatka yarımadasının yaxınlığında 5,1 bal gücündə zəlzələ baş verib.

Bu barədə "İnterfaks"a Rusiya Elmlər Akademiyasının Vahid Geofizika Xidmətindən bildiriblər.

"Bazar ertəsi yerli vaxtla saat 10:14-də (Bakı vaxtı ilə saat 02:14) 5,1 bal gücündə zəlzələ baş verib. Zəlzələnin episentri Petropavlovsk-Kamçatsk şəhərindən 197 kilometr şərqdə, ocağı isə 49 kilometr dərinlikdə yerləşib", - deyə Xidmətdən bildiriblər.

Sunami təhlükəsi elan edilməyib, yaxınlıqdakı yaşayış məntəqələrinin sakinləri yeraltı təkanları hiss etməyiblər.