“Peşə təhsili sistemində ümumtəhsil fənləri ilə bağlı qiymətləndirmə yanvarda başa çatıb. Peşə sahələri ilə bağlı tələbələrimiz istehsal təcrübəsi və bununla bağlı imtahanları isə başa çatdırmayıblar”.
APA-nın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Təhsil naziri Ceyhun Bayramov bildirib.
Təhsil naziri deyib ki, peşələrlə bağlı qiymətləndirmə öncədən əldə etdikləri nəticələrə uyğun olacaq: “Hər hansı tələbə narazı qalarsa, iyul-avqust aylarında yenidən qiymətləndirmədən keçə bilər. Bu il də avqust ayında peşə təhsili müəssisələrinə qəbul nəzərdə tutulub”.