Müsavat Partiyası seçkilərdə iştirakını dayandırıb Siyasət

Müsavat Partiyası seçkilərdə iştirakını dayandırıb

Müsavat Partiyası parlament seçkilərində iştirakını dayandırıb.
Müsavat başqanı Arif Hacılı dünən keçirdiyi mətbuat konfransında bildirib ki, bu barədə qərar Müsavat Divanının növbədənkənar iclasında qəbul olunub.
Qərardan irəli gələn məsələlərin həlli Müsavat Partiyası Mərkəzi Seçki Qərargahına tapşırılıb.
Arif Hacılı ümid etdiyini bildirib ki, Müsavat Partiyasının deputatlığa namizədliyi qeydə alınan üzvləri partiyanın seçkilərdə iştirakının dayandırılması barədə qərarını düzgün qəbul edəcək və seçkidə iştirakı dayandıracaq.
O qeyd edib ki, bununla belə, Müsavat Partiyasının müşahidəçiləri Mərkəzi Seçki Komissiyasında qeydə alınıb və Müsavat Partiyası seçkiləri müşahidə edəcək, bu sahədə fəaliyyətini REAL və NİDA ilə əlaqələndirəcək.