Almaniya Kansleri Fridrix Mers hesab edir ki, bütün iqtisadi çətinliklərə baxmayaraq, ölkəsini qarşıda çox yaxşı dövrlər gözləyir.

Xalqcebhesi.az xəbər verir ki, bu barədə Mers Bad-Zarov kommunasında (Brandenburq federal torpağı) keçirilən Şərqi Almaniya İqtisadi Forumunda çıxışı zamanı deyib.

"Pessimizm və ölkəmizin gələcəyini qaranlıq rənglərdə təsvir etmək üçün heç bir səbəb yoxdur", - deyə o, bildirib. Tədbir "Phoenix" telekanalı vasitəsilə canlı yayımlanıb.

O, ölkənin gələcəyi naminə "partiya-siyasi oyunları" bir kənara qoymağa çağıraraq qeyd edib: "Ölkəmiz üçün ən yaxşı dövrlər geridə qalmayıb, əksinə, əgər biz indi bir-birimizə qarşı deyil, birlikdə çalışsaq - şərqi Almaniyada da, qərbi Almaniyada da, bütövlükdə AFR-də və Avropada qarşıda bizi çox yaxşı illər gözləyir".

Məryəm Quliyeva