Yaxın Şərqdəki münaqişə fonunda qlobal neft qiymətlərinin artması Türkiyədə inflyasiya və ölkənin ümumi iqtisadi göstəricilərinə təzyiq yaradacaq.

Bu barədə Türkiyənin “Dünya” qazeti Beynəlxalq Enerji Agentliyinin (BEA) rəhbəri Fatih Birola istinadən xəbər verir.

Bununla belə, onun fikrincə, yaranan vəziyyətdə Türkiyənin dayanıqlılığı digər regionlarla müqayisədə daha yüksəkdir.

“Türkiyə, Asiya və Avropa ölkələri qədər sərt təsirlənməyəcək”, - Fatih Birol vurğulayıb.

O, həmçinin qeyd edib ki, xəzinə və maliyyə naziri Mehmet Şimşeklə görüşü zamanı da gündəmə gələn Basra-Ceyhan boru kəməri kimi alternativ marşrutlar Türkiyənin enerji təchizatı təhlükəsizliyi üçün kritik əhəmiyyət daşıyır.