Bu ilin yanvar-mart aylarında Azərbaycandan xarici bazarlara 11 milyon 985.74 min ABŞ dolları dəyərində qara metal ixrac edilib.

“APA-Economics” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 47,6% çoxdur.

Hesabat dövründə isə ölkəyə 127 milyon 347.98 min ABŞ dolları dəyərində qara metal idxal olunub. Bu isə ötən ilin analoji dövrünə nisbətən 17,9% azdır.

Cari ilin I rübündə qara metal ixracı ümumi ixracın 0,22%-ni, idxalı isə ümumi idxalın 3,18%-ni təşkil edib.