Qarabağın erməni işğalından azad edilməsi kənd təsərrüfatının inkişafına təkan verdi.

Bunu ekologiya və təbii sərvətlər naziri Muxtar Babayev FAO-nun dəstəyi ilə Kənd Təsərrüfatı Nazirliyi tərəfindən təşkil olunmuş kənd təsərrüfatının rəqəmsallaşdırılması üzrə beynəlxalq konfransda deyib.

"Qarabağın Ermənistan tərəfindən işğalı bu bölgədə kənd təsərrüfatı sektorunun çökməsinə gətirib çıxardı", - nazir deyib.

Onun sözlərinə görə, Azərbaycan bu gün qarşıya Qarabağı sıfır tullantı zonasına çevirmək məqsədi qoyub.

"Bunun üçün Azərbaycan "yaşıl" iqtisadiyyatın, ekoloji qəsəbə və şəhərlərin yaradılması üzrə addımlar atır" - deyə M.Babayev bildirib.

Nazir əlavə edib ki, FAO ilə əməkdaşlıq artıq mühüm nəticələr verib və məhsuldar əməkdaşlığın davam edəcəyinə ümidvar olduğunu bildirib.